संघीय लोकतान्त्रिक गणतन्त्र नेपालको संविधान, २०७२ को मर्म, भावना तथा परिकल्पना अनुरूप देशको नयाँ संघीय संरचना अनुसार नेपाल सरकार, कृषि तथा पशुपन्छी विकास मन्त्रालय, पशु सेवा विभाग अन्तर्गत विगतमा फरक–फरक कार्यप्रकृति भएका दुई कार्यालय—“राइजोवियम तथा बीउ विजन प्रयोगशाला, जनकपुर” तथा “चरन तथा घाँसेवाली बीउ वृद्धि फार्म, जनकपुर” लाई संस्थागत समायोजन गरी वि.सं. २०७५ साल श्रावण १ गतेदेखि “राइजोवियम तथा घाँसेवाली बीउ विजन प्रयोगशाला, जनकपुरधाम” नामक नयाँ संरचनाको स्थापना गरिएको हो। यस कार्यालयले उन्नत तथा स्थानीय स्रोतका घाँसेवाली प्रजातिको संरक्षण, सुधार, अभिलेखीकरण र गुणस्तरीय बीउ उत्पादन, राइजोवियम इनोकुलम उत्पादन, घाँसेबाली बीउको गुणस्तर परीक्षण, बीउ विजन विश्लेषण, चरन तथा घाँस विकास प्रवर्द्धन, कृषक क्षमता अभिवृद्धि तथा पशु आहार व्यवस्थापन सुधारमा महत्वपूर्ण भूमिका निर्वाह गर्दै आएको छ।